பா.ரஞ்சித் இயக்கத்தில் விக்ரம் நடிக்கும் ‘தங்கலான்’ படத்தின் ‘மினிக்கி மினிக்கி’ பாடல் – வீடியோ!
![](http://www.heronewsonline.com/wp-content/uploads/2024/07/0a1k.jpg)
பா.ரஞ்சித் – விக்ரம் கூட்டணியில் உருவாகியுள்ள ‘தங்கலான்’ படத்தின் முதல் சிங்கிளான ‘மினிக்கி மினிக்கி’ பாடலை படக்குழு வெளியிட்டுள்ளது.
இந்த ஆண்டில் அதிகம் எதிர்பார்க்கப்படும் திரைப்படம் ‘தங்கலான்’. பா.ரஞ்சித் இயக்கியுள்ள இப்படத்தில் விக்ரம், பார்வதி, மாளவிகா மோகனன், பசுபதி, உள்ளிட்ட பலர் நடித்துள்ளனர். ஜி.வி.பிரகாஷ்குமார் இசையமைத்துள்ளார். ஸ்டூடியோ கிரீன் சார்பில் ஞானவேல் ராஜா படத்தை தயாரித்துள்ளார்.
கோலார் தங்க வயல் பின்னணியில் பீரியட் படமாக உருவாகியுள்ள இப்படத்தின் ட்ரெய்லர் அண்மையில் வெளியாகி ரசிகர்களிடையே வரவேற்பை பெற்றது. படம் ஆகஸ்ட் 15-ம் தேதி திரையரங்குகளில் வெளியாகும் என கூறப்படுகிறது.
இந்நிலையில் இப்படத்தின் முதல் சிங்கிளான ‘மினிக்கி மினிக்கி’ பாடலை படக்குழு வெளியிட்டுள்ளது.
’மினிக்கி மினிக்கி’ பாடல் எப்படி:
ஜி.வி.பிரகாஷ்குமார் இசையமைத்துள்ள இப்பாடலை சிந்துரி விஷால் பாடியுள்ளார். பாடல் வரிகளை உமா தேவி எழுதியுள்ளார். ‘மினிக்கி மினிக்கி’ என தொடங்கும் இப்பாடல் காதல் பாடலாக உருவாகியுள்ளது. கோரஸுடன் கூடிய பின்னணி இசை ரசிக்க வைக்கிறது. “கும்பல் கூடும் மேகம் மழைய பெய்யாதோ, கட்டி வைச்ச சோகம் கரைஞ்சு போகாதோ” போன்ற உமா தேவியின் வரிகள் கவனிக்க வைக்கின்றன. நாட்டுப்புறப் பாடலான இப்பாடலில் ‘மினிக்கி’, ‘சிலிப்பி’, ‘சோக்கா திரியுது’ போன்ற எளிய மொழிநடை பயன்படுத்தப்பட்டுள்ளது. ஒருவகையான கொண்டாட்டத்தை வெளிப்படுத்தும் இப்பாடலை நடன அசைவுகளுடன் பார்க்கும்போது காட்சிகள் ஈர்க்கின்றன.
பாடல் வீடியோ: