மாநிலங்களவை எம்.பி.யாக பதவியேற்றார் வைகோ: வைரமுத்து வாழ்த்து

தமிழகத்தின் சார்பில் மாநிலங்களவை எம்.பி.க்களாக இருந்த 6 பேரின் பதவிக்காலம் நேற்றுடன் முடிவடைந்தது. இதனால் மாநிலங்களவைக்கு புதிதாக தேர்வு செய்யப்பட்ட எம்பிகள் இன்று பதவியேற்றுக்கொண்டனர். தி.மு.க. சார்பில் தேர்வான மதிமுக பொதுச்செயலாளர் வைகோ பதவியேற்றுக்கொண்டார். அதுபோல் திமுகவை சேர்ந்த சண்முகம், வில்சன் ஆகியோரும், அ.தி.மு.க..வை சேர்ந்த சந்திரசேகர், மொகமது ஜான் ஆகியோரும் பதவியேற்றனர்.

தமிழக எம்பிக்கள் அனைவரும் தமிழிலேயே பதவியேற்றுக்கொண்டனர் என்பது குறிப்பிடத்தக்கது.

இதனிடையே, மாநிலங்களவை எம்.பி.யாக பதவியேற்றுள்ள வைகோவுக்கு கவிஞர் வைரமுத்து வாழ்த்துத் தெரிவித்துள்ளார். அவரது வாழ்த்துச் செய்தி:-

“வாழ்த்துக்கள் வைகோ…

சிறுத்தை போல் நடந்து சென்றாய்

செம்மொழி உறுதி பூண்டாய்

நிறுத்தவே முடியவில்லை நீள்விழி வடித்த கண்ணீர்

போர்த்திறம் பழக்கு – விட்டுப்

போகட்டும் வழக்கு – உன்

வார்த்தைகள் முழக்கு – நீ

வடக்கிலே கிழக்கு”