பா.ரஞ்சித் இயக்கத்தில் விக்ரம் நடிக்கும் ‘தங்கலான்’: ஆகஸ்டு 15ஆம் தேதி உலகெங்கும் ரிலீஸ்!

பா.ரஞ்சித் இயக்கத்தில் விக்ரம் நடித்துள்ள ‘தங்கலான்’ திரைப்படம் சுதந்திர தினத்தை முன்னிட்டு ஆகஸ்ட் 15-ம் தேதி திரையரங்குகளில் உலகெங்கும் வெளியாகும் என அதிகாரபூர்வமாக அறிவிக்கப்பட்டுள்ளது.

விக்ரம் – பா.ரஞ்சித் இணையும் ‘தங்கலான்’ திரைப்படம் ரசிகர்களிடையே மிகப் பெரிய எதிர்பார்ப்பை ஏற்படுத்தியுள்ளது. இந்த இரண்டு கலைஞர்களின் இணைவில் உருவாகும் இப்படம், கோலார் தங்க வயல் பின்னணியில் பீரியட் டிராமா படமாக உருவாகியுள்ளது.

இந்தப் படத்துக்கு ஜி.வி.பிரகாஷ்குமார் இசையமைத்துள்ளார். பார்வதி, மாளவிகா மோகனன், பசுபதி உள்ளிட்ட பலர் நடித்துள்ளனர். படத்தின் டிரைலர் அண்மையில் வெளியாகி ரசிகர்களின் கவனத்தை ஈர்த்தது.

ஞானவேல் ராஜா இப்படத்தை தயாரித்துள்ளார். கடந்த 17-ம் தேதி வெளியான ‘மினிக்கி மினிக்கி’ முதல் சிங்கிள் ரசிகர்களிடையே வரவேற்பை பெற்றது.

இந்நிலையில், படம் வரும் ஆகஸ்ட் 15-ம் தேதி திரையரங்குகளில் உலகெங்கும் வெளியாகும் என அறிவிக்கப்பட்டுள்ளது.