கமல்ஹாசன் தயாரிப்பில் சிவகார்த்திகேயன் நடித்துள்ள ‘அமரன்’ திரைப்படம் தீபாவளிக்கு ரிலீஸ்!

சிவகார்த்திகேயன் நடித்துள்ள ‘அமரன்’ திரைப்படம் தீபாவளி பண்டிகையை முன்னிட்டு அக்டோபர் 31-ம் தேதி உலகெங்கும் திரையரங்குகளில் வெளியாகும் என அதிகாரபூர்வமாக அறிவிக்கப்பட்டுள்ளது. இத்திரைப்படத்தை ரெட் ஜெயண்ட் மூவிஸ் நிறுவனம் வெளியிடுகிறது.

கமல்ஹாசனின் ராஜ்கமல் ஃபிலிம்ஸ் இண்டர்நேஷனல் நிறுவனம், சோனி பிக்சர்ஸ் இண்டர்நேஷனல் புரொடக்‌ஷன்ஸ் மற்றும் ஆர்.மகேந்திரன் இணைந்து தயாரிக்கும் படம் ‘அமரன்’. இதில் சிவகார்த்திகேயன் நாயகனாக நடித்துள்ளார். சாய் பல்லவி நாயகியாக நடித்துள்ளார். ‘ரங்கூன்’ படத்தை இயக்கிய ராஜ்குமார் பெரியசாமி இயக்கும் இப்படத்துக்கு, ஜி.வி பிரகாஷ்குமார் இசையமைத்துள்ளார். சண்டைக் காட்சிகளை அன்பறிவு மாஸ்டர்கள் மற்றும் ஸ்டெஃபான் ரிக்டர் இணைந்து வடிவமைத்துள்ளனர். இந்த படத்தின் மூலம் சி.எச்.சாய் ஒளிப்பதிவாளராக அறிமுகமாகிறார்.

புரொடக்‌ஷன் டிசைனர் – ராஜீவன்; கலை இயக்குநர் – சேகர்; படத்தொகுப்பாளர் – ஆர்.கலைவாணன்; துணை தயாரிப்பாளர் – காட் ப்ளஸ் எண்டர்டெய்ன்மெண்ட்.

ராணுவ மேஜர் முகுந்த் வரதராஜனின் வாழ்வில் நடந்த சம்பவங்கள் மற்றும் ராகுல் சிங் – ஷிவ் அரூர் எழுதிய ‘இண்டியா’ஸ் மோஸ்ட் ஃபியர்லஸ்: ட்ரூ ஸ்டோரிஸ் ஆஃப் மாடர்ன் மிலிட்டரி’ புத்தகம் ஆகியவற்றின் அடிப்படையில் இந்தப் படம் உருவாகிறது. இதில் சிவகார்த்திகேயன் ராணுவ வீரராக நடித்துள்ளார்.

இப்படத்தின் டிஜிட்டல் உரிமையை நெட்ஃப்ளிக்ஸ் நிறுவனம் ரூ.55 கோடிக்கு கைப்பற்றியுள்ளதாக தகவல் வெளியானது. சிவகார்த்திகேயன் நடித்த படங்களில் இதுவே அதிக தொகைக்கு விற்பனையாகியுள்ளதாகவும் கூறப்படுகிறது.

இந்நிலையில், இப்படம் தீபாவளி பண்டிகையை முன்னிட்டு வரும் அக்டோபர் 31-ம் தேதி திரையரங்குகளில் வெளியாகும் என ராஜ்கமல் நிறுவனம் அதிகாரபூர்வமாக அறிவித்துள்ளது.
ரெட் ஜெயண்ட் மூவிஸ் நிறுவனம் இப்படத்தை வெளியிடுகிறது