கோவில்பட்டியில் வைகோ போட்டி: மதிமுக வேட்பாளர்கள் பட்டியல்!
மதிமுக போட்டியிடும் 29 தொகுதிகளின் வேட்பாளர்கள் பட்டியலை அக்கட்சியின் பொதுச் செயலாளரும், மக்கள் நலக் கூட்டணியின் ஒருங்கிணைப்பாளருமான வைகோ இன்று சென்னை அண்ணாநகரில் வெளியிட்டார். மதிமுகவின் 29 வேட்பாளர்கள் விவரம்:
- கோவில்பட்டி – வைகோ
- திருப்போரூர் – மல்லை சத்யா
- காரைக்குடி – புலவர் சே.செவந்தியப்பன்
- ஆலங்குடி – டாக்டர் க.சந்திரசேகரன்
- செஞ்சி – ஏ.கே.மணி
- சங்கரன்கோவில் – டாக்டர் சதன் திருமலைக்குமார்
- சிங்காநல்லூர் – ஆடிட்டர் அர்ஜூன்ராஜ்
- குளச்சல் – சம்பத் சந்திரா
- திருச்சி கிழக்கு – டாக்டர் ரொஹையாசேக்முகமது
- நாகர்கோவில் – ராணி செல்வின்
- அண்ணா நகர் – மல்லிகா தயாளன்
- தூத்துக்குடி – பேராசிரியை பாத்திமா பாபு
- மதுரை தெற்கு – புதூர் மு.பூமிநாதன்
- ஆர்க்காடு – பி.என்.உதயகுமார்
- பாளையங்கோட்டை – கே.எம்.ஏ.நிஜாம்
- ஆயிரம் விளக்கு – ரெட்சன் சி.அம்பிகாபதி
- கிணத்துக்கடவு – பொறியாளர் வே.ஈஸ்வரன்
- ஆவடி – வழக்கறிஞர் இரா.அந்திரிதாஸ்
- துறைமுகம் – முராத் புகாரி
- உசிலம்பட்டி – ஆ.பாஸ்கர சேதுபதி
- சாத்தூர் – டாக்டர் ஏ.ஆர்.ஆர்.ரகுராமன்
- பூவிருந்தவல்லி (தனி) – பூவை து.கந்தன்
- பல்லடம் – க. முத்துரத்தினம்
- ஈரோடு மேற்கு – நா.முருகன்
- ஜெயங்கொண்டம் – எம்.எஸ்.கந்தசாமி
- அரவக்குறிச்சி – கோ.கலையரசன்
- முதுகுளத்தூர் – பொ.ராஜ்குமார்
- தாராபுரம் – வழக்கறிஞர் நாகை. திருவள்ளுவன் (தமிழ்ப் புலிகள் கட்சி-பம்பரம் சின்னம்)
- பல்லாவரம் – கி. வீரலட்சுமி (தமிழர் முன்னேற்றப் படை-பம்பரம் சின்னம்)
கோவில்பட்டி தொகுதி இந்திய கம்யூனிஸ்ட் கட்சியின் கோட்டையாகவே கருதப்படுகிறது. இதுவரை நடந்துள்ள 14 தேர்தல்களில் 7 முறை அக்கட்சி வென்றுள்ளது. இருப்பினும் இம்முறை கோவில்பட்டியை மதிமுகவுக்கு உறுதியாக கேட்டுப் பெற்றுள்ளார் வைகோ. இந்தத் தொகுதியில் அவரே போட்டியிட விரும்புவதால்தான், தாங்கள் தொகுதியை விட்டு கொடுத்ததாக இந்திய கம்யூனிஸ்ட் கட்சியினர் தெரிவிக்கின்றனர்.
மக்கள் நலக்கூட்டணியின் 5-ம் கட்ட தேர்தல் பிரச்சார பொதுக்கூட்டத்தை கோவில்பட்டியில் நடத்தியது, விவசாயிகள் நடத்திய ரயில் மறியல் போராட்டத்தில் கோவில்பட்டியில் வைகோ கலந்து கொண்டது போன்றவை காரணமாக, இத்தொகுதியில் வைகோவின் வெற்றி வாய்ப்பு பிரகாசமாக இருப்பதாக மதிமுகவினர் மகிழ்ச்சியுடன் கூறுகிறார்கள்.
