“மலை’ படத்தில் மலை ஒரு கதாபாத்திரமாகவே இருக்கும்!” – இயக்குனர் ஐ.பி.முருகேஷ்
இயக்குனர் சீனு ராமசாமி, இயக்குனர் சுசீந்திரன் ஆகியோரிடம் உதவியாளராக இருந்த ஐ.பி.முருகேஷ், ‘மலை’ என்ற படத்தின் மூலம் இயக்குனராக அறிமுகமாகிறார். இதில் லட்சுமி மேனன், யோகி பாபு ஆகியோர் முக்கிய கதாபாத்திரங்களில் நடிக்கிறார்கள்.
லெமன் லீஃப் கிரியேஷன் பிரைவேட் லிமிட்டெட் நிறுவனம் சார்பில் ஆர்.கணேஷ் மூர்த்தி சௌந்தர்யா தயாரிக்கும் இப்படத்திற்கு தேனி ஈஸ்வர் ஒளிப்பதிவு செய்கிறார். டி.இமான் இசையமைக்கிறார். யுகபாரதி பாடல் எழுதுகிறார். எஸ்.ஜெயச்சந்திரன் கலை இயக்கத்தை கவனிக்க, ராஜசேகர் ஒலிப்பதிவு செய்கிறார், படத்தொகுப்புப் பணிகளை காசி விஸ்வநாதன் மேற்கொள்கிறார். பாஸ்கர் சக்தி வசனம் எழுதுகிறார். எக்ஸிக்யூட்டிவ் புரடியூசராக ஏ.சுந்தர் பணி புரிகிறார்.
இயக்குனர் ஐ.பி.முருகேஷ் இப்படம் பற்றி கூறுகையில், “இந்தப் படம் மலைப்பகுதியில் உள்ள ஒரு கிராமத்தை மையமாகக் கொண்டு உருவாகவுள்ளது. படத்தில் மலை ஒரு கதாபாத்திரமாகவே இருக்கும்.
நடிகை லட்சுமி மேனன் நகரத்தில் இருந்து கிராமத்துக்கு வரும் ஒரு மருத்துவராக நடிக்கிறார், அந்த கிராமத்தில் அவருக்கு நடக்கும் நிகழ்வுகள் அவரது வாழ்க்கையை மாற்றி விடுகிறது. நடிகர் யோகி பாபு இந்தப் படத்தில் மிகவும் முக்கியமான கதாபாத்திரத்தில் நடிக்கிறார். லட்சுமி மேனன், யோகிபாபு இருவருக்கும் இடையே நடக்கும் நிகழ்வு இப்படத்தில் மிகப்பெரிய பங்கு வகிக்கிறது,
மேலும், காளி வெங்கட் கதாபாத்திரம் அனைவராலும் பெரிதும் பேசப்படும், சிங்கம்புலி, ராமச்சந்திரன் ஆகியோருடன் மேலும் பல நட்சத்திரங்கள் இணைந்து நடிக்கவுள்ளனர்.
இந்தப் படத்தில் நடிகை லட்சுமி மேனன், நடிகர் யோகி பாபு ஜோடியாக நடிக்கவில்லை. ஆனால் இருவரின் கதாபாத்திரம் திரையில் சுவாரசியத்தை ஏற்படுத்தும் வண்ணம் அமைந்துள்ளது” என்றார்.
