மாரி செல்வராஜ் இயக்கத்தில் உதயநிதி, வடிவேலு நடித்துள்ள ‘மாமன்னன்’: ஃபர்ஸ்ட்லுக் போஸ்டர் வெளியீடு!

பிரபல திரைப்பட தயாரிப்பு நிறுவனமான ரெட் ஜெயன்ட் மூவீஸ் தயாரிப்பில், ‘பரியேறும் பெருமாள்’, ‘கர்ணன்’ ஆகிய வெற்றிப்படங்களை இயக்கிய மாரி செல்வராஜ் இயக்கத்தில், உதயநிதி ஸ்டாலின் நடித்திருக்கும் படம் ‘மாமன்னன்’.

இப்படத்தின் நாயகியாக கீர்த்தி சுரேஷ்  நடித்துள்ளார். நடிகர்கள் வடிவேலு, பஹத் பாசில் முக்கிய கதாபாத்திரங்களில் நடித்துள்ளார்கள். ஏ.ஆர்.ரஹ்மான் இசையமைத்துள்ளார். தேனி ஈஸ்வர் ஒளிப்பதிவு செய்துள்ளார்.

மாமன்னன்” படத்தின் ஃபர்ஸ்ட்லுக் போஸ்டர் மே 1ஆம் தேதி வெளியாகும் என அறிவிக்கப்பட்டிருந்தது. ஆனால், சமூக வலைதளங்களில் முன்கூட்டியே போஸ்டர் கசிந்ததால், படக்குழுவினர் ஏப்ரல் 30ஆம் தேதியே போஸ்டரை வெளியிட்டு விட்டனர்.

இந்த போஸ்டருக்கு திரைப்பட ரசிகர்கள் மத்தியில் நல்ல வரவேற்பு கிடைத்து வருகிறது.

இறுதிக்கட்ட பணிகள் விறுவிறுப்பாக நடைபெற்று வரும் ’மாமன்னன்’ திரைப்படம், வருகிற ஜூன் மாதம் திரைக்கு வரும் என அதிகாரப்பூர்வமாக அறிவிக்கப்பட்டுள்ளது.

‘மாமன்ன்ன்’ ஃபர்ஸ்ட்லுக் போஸ்டர்:-