ரஜினிகாந்த் சிறப்பு தோற்றத்தில் நடிக்கும் ‘லால் சலாம்’  பொங்கலுக்கு ரிலீஸ் ஆகிறது

சுபாஸ்கரனின் லைகா புரொடக்ஷன்ஸ் இந்திய சினிமாவின் முன்னணி தயாரிப்பு நிறுவனங்களில் ஒன்றாகும், அவர் மீண்டும் மீண்டும் பிரமாண்டம்  மற்றும் தரமான  படங்களைத் தயாரித்துள்ளார்.

அவரது சமீபத்திய வெளியீடுகளின் தொடர்ச்சியான வெற்றியைத் தொடர்ந்து, லைகா புரொடக்‌ஷன்ஸ் நிறுவனத்தின்  அடுத்த வெளியீடாக ‘லால் சலாம்’ திரைப்படம் தயாராகி வருகிறது. இப்படத்தின் மூலம் மூன்றாவது முறையாக இயக்குனர்  பொறுப்பேற்றுள்ளார் ஐஸ்வர்யா ரஜினிகாந்த்.

இப்படத்தில் ரஜினிகாந்த் சிறப்பு தோற்றத்தில் நடிக்க, விஷ்ணு விஷால் மற்றும் விக்ராந்த் முக்கிய வேடங்களில்   நடித்துள்ளார்கள்.

இப்படத்திற்கு ஏ.ஆர்.ரஹ்மான் இசையமைத்துள்ளார், விஷ்ணு ரங்கசாமி ஒளிப்பதிவு செய்துள்ளார், பிரவின் பிரபாகர் படத்தொகுப்பு செய்துள்ளார்.

தற்போது படப்பிடிப்பு முடிவடைந்த நிலையில், போஸ்ட் புரொடக்ஷன் பணிகள் முழு வீச்சில் நடைபெற்று வருகிறது, ரஜினிகாந்த் சமீபத்தில் தனது பகுதிகளுக்கான டப்பிங்கை முடித்துள்ளார்.

லைகா புரொடக்‌ஷன்ஸ் தலைவர் ஜி.கே.எம்.தமிழ் குமரன் மற்றும் படக்குழுவினர் தற்போது லால் சலாம் படத்தின் வெளியீடு குறித்த அதிகாரப்பூர்வ அறிவிப்பை வெளியிட்டுள்ளனர்.

ரஜினிகாந்த் கெளரவ தோற்றத்தில் நடிக்கும், லைகா புரொடக்ஷன்ஸ் தயாரிப்பில் உருவாகும் ’லால் சலாம்’ திரைப்படம் 2024 பொங்கலுக்கு திரைக்கு வருகிறது.