’கங்குவா’ வசூல் சாதனை: இரண்டே நாட்களில் ரூ.89.32 கோடி குவித்தது!
’ஸ்டூடியோ க்ரீன்’ ஞானவேல்ராஜா தயாரிப்பில், இயக்குநர் சிவா இயக்கத்தில், சூர்யா இரண்டு வேடங்களில் கலக்கியுள்ள பிரமாண்ட திரைப்படமான ‘கங்குவா’ கடந்த வியாழனன்று (நவம்பர் 14ஆம் தேதி) உலகம் முழுவதும் திரையரங்குகளில் வெளியானது.
முதல் நாளில் படம் கலவையான விமர்சனங்களைப் பெற்ற போதிலும், வசூலில் எந்த பாதிப்பும் ஏற்படவில்லை. மேலும், அன்பான ரசிகர்களின் அமோக ஆதரவு மற்றும் நேர்மறை விமர்சனங்கள் காரணமாக, வன்மத்தைக் கக்கிய எதிர்மறை விமர்சனங்கள் எந்த விளைவையும் ஏற்படுத்தாமல் காணாமல் போயின.
குடும்பம் குடும்பமாக பார்வையாளர்கள் திரையரங்குகளுக்கு வந்து ’கங்குவா’ படத்தைப் பார்த்து கொண்டாடி வருவதால், வியாழன், வெள்ளி ஆகிய இரண்டே நாட்களில் ரூ.89.32 கோடி வசூலை வாரிக் குவித்து, ’கங்குவா’ சாதனை புரிந்து வருகிறது.
