”எதிர் கொள்வோம், எதிரியை கொல்வோம்” என சூர்யா முழங்கும் ‘கங்குவா’ ரிலீஸ் டிரெய்லர் வெளியீடு!

’ஸ்டூடியோ க்ரீன்’ ஞானவேல்ராஜா தயாரிப்பில், இயக்குநர் சிவா இயக்கத்தில், சூர்யா நாயகனாக நடித்துள்ள பிரமாண்ட திரைப்படமான ‘கங்குவா’ இம்மாதம் (நவம்பர்) 14ஆம் தேதி உலகெங்கும் திரையரங்குகளில் வெளியாகிறது. இப்படத்தில் சூர்யாவுடன் பாபி தியோல், திஷா பதானி உள்ளிட்ட பலர் நடித்துள்ளனர். தேவி ஸ்ரீ பிரசாத் இசையமைத்துள்ள இப்படம் பல்வேறு மொழிகளில் பான் இந்தியா வெளியீடாக வெளியாக இருக்கிறது.

 இந்நிலையில், இப்படத்தின் ரிலீஸ் டிரெய்லரை படக்குழு வெளியிட்டுள்ளது. 1.30 நிமிடங்கள் ரன் டைம் கொண்ட இந்த பரபரப்பான ரிலீஸ் ட்ரெய்லரில், கடந்த காலம் மற்றும் நிகழ் காலம் என  ஒவ்வொரு ஷாட்டும் செல்கிறது. ‘மைய்யாலும், ரத்த்த்தாலும் எழுதப்பட்ட கடந்த கால, நிகழ் கால மோதல்’ என கேப்ஷன் கொடுத்து படக்குழு இந்த ரிலீஸ் ட்ரெய்லரை வெளியிட்டுள்ளது. “எதிர் கொள்வோம், எதிரியை கொல்வோம்” என சூர்யா வீரத்துடன் முழக்கமிடும் காட்சி இடம்பெற்றுள்ள இந்த ரிலீஸ் டிரெய்லரில், துரோகம், மீட்சி, கவுரவம் போன்ற சொற்களும் இடம்பெற்று எதிர்பார்ப்பை எகிறச் செய்துள்ளன.

வீடியோ லிங்க்:-