‘கபாலி’ உரிமையை கைப்பற்றிய ஃபாக்ஸ் ஸ்டார் இந்தியா!
‘லிங்கா’ படத்தைத் தொடர்ந்து ரஜினிகாந்த் நடித்துள்ள படம் ‘கபாலி’. பா.ரஞ்சித் இயக்கத்தில், கலைப்புலி எஸ்.தாணு தயாரித்துள்ளார்.
‘கபாலி’ படத்தின் டீசர் முதலில் வெளியாகி, ரசிகர்களின் பலத்த வரவேற்பைப் பெற்றது. சந்தோஷ் நாராயணன் இசையமைப்பில் உருவான இப்படத்தின் பாடல்கள் சமீபத்தில் வெளியிடப்பட்டன.
பிறகு படத்தின் புதிய பாடல் டீசரும் வெளியிடப்பட்டது. “நெருப்புடா” பாடலின் டீசரில் ரஜினியின் வழக்கமான ஸ்டைலில் காட்சிகள் இருந்ததைக் கண்டு ரசிகர்கள் பரவசமடைந்தார்கள்.
இந்நிலையில் ‘கபாலி’ படத்தின் வடஇந்தியத் திரையரங்கு உரிமையைப் புகழ்பெற்ற ஃபாக்ஸ் ஸ்டார் இந்தியா நிறுவனம் வாங்கியுள்ளது. ஹிந்திப் பதிப்பை ஃபாக்ஸ் ஸ்டார் நிறுவனம் வெளியிடுவதால் படம் அதிகமான திரையரங்குகளில் வெளியாகும் என எதிர்பார்க்கப்படுகிறது.
அதேபோல, கபாலியின் ஹிந்திப் படத் தொலைக்காட்சி உரிமம், ஸ்டார் டிவிக்கு விற்கப்பட்டுள்ளது.
