மயில்சாமி பிறந்தநாள்: படக்குழுவினருக்கு பிரியாணி வழங்கிய உதயநிதி ஸ்டாலின்!

“Article 15” திரைப்படத்தின் தமிழ் பதிப்பாக உருவாகும் படத்தில் உதயநிதி ஸ்டாலின் கதாநாயகனாகவும், நடிகை தான்யா ரவிச்சந்திரன் கதாநாயகியாகவும்  நடிக்கிறார்கள்.

Zee Studios மற்றும் போனி கபூரின் Bayview Projects வழங்க ROMEOPICTURES வெளியிடும் இப்படத்தை அருண்ராஜா காமராஜ் இயக்குகிறார்.

தற்போது பொள்ளாச்சியில் நடைபெற்று வரும் இப்படத்தின் படப்பிடிப்பில் கலந்துகொண்ட நடிகர் மயில்சாமி தனது பிறந்தநாளை இயக்குனர் அருண்ராஜா காமராஜ், நடிகர் உதயநிதி ஸ்டாலின், நடிகை தான்யா ரவிச்சந்திரன் உள்ளிட்ட படக்குழுவினருடன் இணைந்து  மகிழ்ச்சியுடன் கேக் வெட்டி  கொண்டாடினார்.  அனைவரும் தங்களது வாழ்த்துகளை மயில்சாமிக்கு தெரிவித்தனர்.

மயில்சாமி தனது பிறந்தநாளை முன்னிட்டு 300 குழந்தைகளுக்கு ஐஸ்கிரீம் வழங்கினார். மேலும், உதயநிதி ஸ்டாலின் மயில்சாமியின் பிறந்தநாளை சிறப்பிக்கும் வகையில் படக்குழுவினர் அனைவருக்கும் பிரியாணி வழங்கினார்.

மயில்சாமி கேக் வெட்டி கொண்டாடிய முதல் பிறந்தநாள் இது என்பது குறிப்பிடத்தக்கது.