பிரபல நடிகை ஸ்ரீதேவி திடீர் மரணம்

பிரபல நடிகை ஸ்ரீதேவி நேற்று (பிப்ரவரி 24) திடீரென மரணம் அடைந்தார். அவருக்கு வயது 54.

ஸ்ரீதேவி தனது உறவினரின் திருமண நிகழ்ச்சியில் பங்கேற்பதற்காக கணவர் போனி கபூர், மகள் குஷி ஆகியோருடன் துபாய் சென்றிருந்தார். அங்கு அவர்கள் தங்கியிருந்த நட்சத்திர ஹோட்டலில், ஸ்ரீதேவிக்கு திடீரென மாரடைப்பு ஏற்பட்டு, நேற்றிரவு 11.30 மணி அளவில் உயிர் பிரிந்தது. எதிர்பாராத வகையில் திடீரென இம்மரணம் நிகழ்ந்தபோது ஸ்ரீதேவியின் கணவர் போனி கபூர், மகள் குஷி ஆகியோர் உடன் இருந்தனர்.

ஸ்ரீதேவியின் உடல் துபாயிலிருந்து விமானம் மூலம் நாளை எடுத்து வரப்பட்டு, பிரபலங்கள் மற்றும் பொதுமக்களின் அஞ்சலிக்காக அவரது வீட்டில் வைக்கப்படும். பின்னர் மாலையில் இறுதிச்சடங்கு நடைபெறும் என தெரிகிறது.