“ஒரு நேர்மையான போலீஸ் அதிகாரி சூழ்நிலை காரணமாக போராளியாக மாறுவது தான் ‘தமிழரசன்’ திரைக்கதை!”
எஸ்.என்.எஸ். மூவீஸ் சார்பில் கெளசல்யா ராணி அதிக பொருட்செலவில் தயாரிக்கும் படம் ‘தமிழரசன்’.
இந்த படத்தில் விஜய் ஆண்டனி நாயகனாக நடிக்கிறார். நாயகியாக ரம்யா நம்பீசன் நடிக்கிறார். மற்றும் சுரேஷ்கோபி, ராதாரவி, சோனு சூட், யோகிபாபு,சங்கீதா, கஸ்தூரி, ரோபோ சங்கர், சாயாசிங், மதுமிதா,ஒய்.ஜி.மகேந்திரன், கதிர், ஸ்ரீலேகா, ஸ்ரீஜா, கே.ஆர்.செல்வராஜ்,சென்ட்ராயன் கும்கி அஸ்வின், மேஜர் கவுதம், சுவாமி நாதன், முனீஸ்காந்த் ராஜ்கிருஷ்ணா, ராஜேந்திரன் ஆகியோருடன் இயக்குனர் மோகன்ராஜாவின் மகன் மாஸ்டர் பிரணவ் நடிக்கிறார்.
ஒளிப்பதிவு – ஆர்.டி.ராஜசேகர்
இசை – இளையராஜா
பாடல்கள் – பழனிபாரதி, ஜெய்ராம்
கலை – மிலன்
ஸ்டண்ட் – அனல் அரசு
எடிட்டிங் – புவன் சந்திரசேகர்
நடனம் – பிருந்தா சதீஷ்
தயாரிப்பு மேற்பார்வை – ராஜா ஸ்ரீதர்
கதை, திரைக்கதை, வசனம், இயக்கம் – பாபு யோகேஸ்வரன்
தயாரிப்பு – கெளசல்யா ராணி
இப்படம் பற்றி இதன் இயக்குனர் பாபு யோகேஸ்வரன் கூறுகையில், “ஒரு நேர்மையான போலீஸ் அதிகாரியாக இருக்கும் விஜய்ஆண்டனி, சூழ்நிலை காரணமாக ஒரு போராளியாக மாறுவதுதான் இந்த படத்தின் திரைக்கதை. படம் மிகவும் சிறப்பாக வந்திருக்கிறது. இளையராஜாவின் இசை படத்திற்கு மிகப் பெரிய பலம். இந்த படத்திற்காக எஸ்.பி.பி. ஒரு பாடலையும், 12 வருடங்களுக்குப் பிறகு இளையராஜாவின் இசையில் கே.ஜே.யேசுதாஸ் ஒரு பாடலையும் பாடி இருக்கிறார்கள். அந்த பாடல்கள் 2020ஆம் ஆண்டின் சூப்பர் ஹிட் பாடல்களாக வலம் வரும் என்பதில் எந்த மாற்றமும் இல்லை. படத்தின் இறுதிக்கட்ட பணிகள் நடைபெற்று வருகின்றன. படம் ஜனவரி மாதம் வெளியாக உள்ளது” என்றார்.
