ரஜினியின் ‘2 பாயிண்ட் ஓ’ படத்தின் ரிலீஸ் மீண்டும் தள்ளிவைப்பு: லைகா அறிவிப்பு!

ஷங்கர் இயக்கத்தில், லைகா தயாரிப்பில், ரஜினிகாந்த் நடிக்கும் படம் ‘2 பாயிண்ட் ஓ’. சுமார் ரூ.450 கோடி செலவில் தயாரிக்கப்படுவதாக கூறப்படும் இப்படத்தில் ரஜினிக்கு ஜோடியாக எமி ஜாக்சனும், வில்லனாக இந்தி நடிகர் அக்‌ஷய்குமாரும் நடித்துள்ளார்கள். ஏ.ஆர்.ரஹ்மான் இசையமைத்து உள்ளார்.

இப்படம் கடந்த தீபாவளிக்கே வெளியாகும் என முதலில் அறிவிக்கப்பட்டது. ஆனால், படப்பிடிப்பு முடியாததால் ரிலீஸ் தள்ளிவைக்கப்பட்டது. பின்னர் படப்பிடிப்பு முடிவடைந்ததை அடுத்து, 2018 ஜனவரியில் இப்படம் திரைக்கு வரும் என்று லைகா நிறுவனம் அதிகாரப்பூர்வமாக அறிவித்தது. ஆனால், ரிலீஸ் தேதி மீண்டும் தள்ளிவைக்கப்பட்டுள்ளதாக தற்போது லைகா நிறுவனம் அறிவித்துள்ளது.

இது தொடர்பாக அந்த நிறுவனம் சார்பில் வெளியிடப்பட்டுள்ள செய்திக்குறிப்பில், “2 பாயிண்ட் ஓ’ படம் 2018ஆம் ஆண்டு ஜனவரி மாதம் வெளியிடப்படும் என அறிவிக்கப்பட்டு இருந்தது. ஆனால், இப்படத்தின் வெளியீடு தள்ளி வைக்கப்பட்டுள்ளது. உலகம் முழுவதும் 2018, ஏப்ரல் மாதம் இந்த படம் வெளியாகும்” என தெரிவிக்கப்பட்டுள்ளது.