“நல்ல உணர்வை ஏற்படுத்தும் படமாக ‘திருப்பதிசாமி குடும்பம்’ இருக்கும்!” – இயக்குனர்

ஜே.ஜே.குட் பிலிம்ஸ் பாபுராஜா, ஜெம்ஸ் பிலிம்ஸ் முருகானந்தம்  இணைந்து தயாரிக்கும் படம் ‘திருப்பதிசாமி குடும்பம்’. இந்த படத்தில் ஜே.கே, ஜாகீன் என்ற இரண்டு கதாநாயகர்கள் அறிமுகமாகிறார்கள். முக்கிய வேடத்தில் ஜெயன் என்பவர் அறிமுகமாகிறார். இவர்களுடன் தேவதர்ஷினி, லஷ்மி ஐஸ்வர்யா, மயில், முத்துராமன், கே.அமீர், சிசர் மனோகர் ஆகியோரும் நடிக்கிறார்கள்.

இப்படத்துக்கு கதை, திரைக்கதை, வசனம் எழுதி இயக்குகிறார் சுரேஷ் சண்முகம். இவர் ‘அரசு’, ‘கம்பீரம்’ உட்பட பல படங்களை இயக்கியவர்.

‘திருப்பதிசாமி குடும்பம்’ படம் பற்றி இயக்குனர் சுரேஷ் சண்முகம் கூறுகையில், “ஒரு நடுத்தர குடும்பத் தலைவர் திருப்பதிசாமி. அவர் கால் டாக்சி டிரைவர். திருப்பதிசாமி, அவரது மனைவி, இரண்டு மகன்கள், ஒரு மகள் என சந்தோஷமான வாழ்க்கை வாழ்ந்துகொண்டிருக்கும் அந்த குடும்பத்திற்கு  ஒரு சின்ன தடங்கல். திருப்பதிசாமியின் பிள்ளைகளுக்கு நடக்கும் எதிர்பாராத நிகழ்வு ஒன்று அந்த சந்தோஷமான குடும்பத்தை எப்படி புரட்டிப் போடுகிறது என்பதே கதை.

ஜாலியான, அதே சமயம் கனமான ஒரு உணர்வையும் இந்த ‘திருப்பதிசாமி குடும்பம்’ திரைக்கதை உருவாக்கும். நல்ல படம், நல்ல உணர்வை ஏற்படுத்தும் படம், நிச்சயம் மக்கள் மனதில் நல்ல ஒரு தாக்கத்தை ஏற்படுத்தி வெற்றி தரும் என்று நம்புகிறோம். ‘திருப்பதிசாமி குடும்பம்’ அந்த வகை படமாக பாராட்டு பெறும்” என்றார்.

 ஒளிப்பதிவு – ஒய்.எம்.முரளி

இசை – சாம் டி.ராஜ்

பாடல்கள் – கபிலன், சொற்கோ, ரோகேஷ், மீனாட்சிசுந்தரம்.

எடிட்டிங் – ராஜா முகம்மது

கலை – ஆரோக்கியராஜ்

நடனம்  – தினேஷ், அமீப்

ஸ்டண்ட்  – பயர் கார்த்திக்

தயாரிப்பு நிர்வாகம் – சிவா, வேல்முருகன்

தயாரிப்பு மேற்பார்வை – ஆர்.எம்.சேகர்

இணை தயாரிப்பு – திருப்பூர் கே.எல்.கே.மோகன்

தயாரிப்பு  –      பாபுராஜா, ஜாபர் அஷ்ரப்

 எழுத்து, இயக்கம்  –  சுரேஷ் சண்முகம்

ஊடகத் தொடர்பு – மௌனம் ரவி